Rusiya öz hərbi gücünü göstərməyə hazırlaşır – VİDEO

May ayının 9-da Rusiyanın paytaxtında Böyük Vətən müharibəsində qələbəyə həsr edilmiş hərbi parad keçiriləcək.

AzNews.info Oxu.Az-a istinadən xəbər verir ki, parad yalnız üçüncü Reyx üzərində qələbənin 70 illiyinə həsr edilməsi ilə deyil, eləcə də hərbi işin bütün həvəskar və peşəkarlarının Rusiya ordusunun yeni silahlarını görəcəkləri ilə maraqlı və mühümdür.

Belə ki, bir il bundan öncə məlum olub ki, Rusiyada paradda ilk dəfə olaraq “Armata” platformasında yeni tank və hərbi maşınlar, “Kurqanes-25” və “Bumeranq” platformasında bronetransporterları və zirehli maşınları, zirehli avtomobillər “Tayfun-U” və digərləri nümayiş etdiriləcək.

Hələlik maşınların texniki xarakteristikaları, ümumilikdə maşınlar haqqında ictimaiyyətə çox az şey məlumdur.

Amma hal-hazırda silahları Qələbə Paradına hazırlaşdıqları Moskvaətrafı Alabinoya gətiriblər.

Bu günlərdə şəbəkədə yeni texnikanın Alabinoya gətirilməsinin əks olunduğu fotolar yerləşdirilib, martın sonunda isə internetdə parada hazırlığın videosu yayılıb.

Videoda yeni hərbi piyada maşını “Kurqanes-25”, bronetransporter “Bumeranq”, “Tayfun-U” zirehli avtomobil, “Koalisiya-CB” artilleriya qurğusunun sıra marşı ilə getmələri əks olunub.

Həmin videonu diqqətinizə çatdırırıq: