Hərbi paradda maraqlı hadisə

Türkiyədə keçirilən hərbi parad zamanı maraqlı hadisə baş verib.

ANS PRESS-in məlumatına görə, Hadisə Erzurumun işğaldan azad olunmasının 93 illiyinə həsr olunmuş tədbir zamanı qeydə alınıb.

Tədbirdə Türkiyənin bir çox tanınmış hərbçiləri, keçmiş zabitlər, siyasi partiya nümayəndələri, ziyalılar, mülki vətəndaşlar, tələbə və şagirdlər də iştirak ediblər.

Çıxışlardan sonra Erzurum abidəsinin qarşısına çələng quyulub. Daha sonra hərbi parad təşkil olunub.

Hərbçilərin sıraya düzüldüyü vaxt isə maraqlı hadisə baş verib. Tədbirə qatılan 63 yaşlı 3 övlad, 4 nəvə sahibi olan Kazım Yılmaz hərbçilərin qarşısına keçib. O, mobil telefonunu çıxarıb və hərbçilərlə birlikdə selfi çəkdirib.

Kazım Yılmaz bu möhtəşəm anları xatirə olaraq saxlamaq istədiyini deyib: “İstədim ki, bu gözəl anları övladlarım və nəvələrim üçün xatirə olaraq çəkdim”.