Ərdoğan Türkiyə məhkəməsinin müstəqilliyindən söz açdı

Türkiyə məhkəməsi başqa ölkələrdən asılı deyil.

Oxu.Az “Anadolu”ya istinadla xəbər verir ki, bunu Türkiyə prezidenti Rəcəb Tayyib Ərdoğan “Twitter” hesabında amerikalı rahib Endryu Bransonun məhkəmə qərarı ilə azad edilməsi münasibəti ilə ABŞ lideri Donald Trampa xitabən yazıb.

“Hörmətli prezident Tramp. Hər zaman vurğuladığım kimi, türk məhkəməsi qərarını müstəqil şəkildə verdi.

Ümid edirəm ki, ABŞ və Türkiyə iki müttəfiqə yaraşan tərzdə əməkdaşlığı davam etdirəcək, PKK, İŞİD və FETÖ başda olmaqla terror təşkilatlarına qarşı mübarizə aparacaqlar”, - Ərdoğan bildirib.