Ermənistandakı PKK düşərgələrindən çoxsaylı terrorçu Türkiyəyə keçdi » AzNews.info -Xəbər portalı

Bölmə: Siyasət, Kriminal

Ermənistandakı PKK düşərgələrindən çoxsaylı terrorçu Türkiyəyə keçdi

Ermənistandakı PKK düşərgələrindən çoxsaylı terrorçu Türkiyəyə keçdi

Terror təşkilatı PKK-nın Ermənistandakı düşərgələrindən çoxsaylı terrorçu Türkiyə ərazisinə keçib. Virtualaz.org xəbər verir ki, bu sensasion məlumatı Türkiyə hakimiyyətinə bağlı “Yeni Şafak” qəzeti hərbi-kəşfiyyat mənbələrinə istinadən yayıb.

Məlumata əsasən PKK-nın Ermənistandakı düşərgələrindən terrorçular solçu radikal qrupların cəmləşdiyi Ağrı, Bingöl, Tunceli və Tokat bölgələri üzərindən Qara dəniz sahilindəki dağlıq bölgələrə keçməyə çalışırlar. Bildirilir ki, Ermənistandan sızan terrorçular Gümüşhanə səmtinə keçməyə hazırlaşdığı qeydə alınıb.

Ermənistandakı PKK düşərgələrindən çoxsaylı terrorçu Türkiyəyə keçdi


Xəbərdə deyilir ki, Ermənistandakı düşərgələrdən PKK-çılar sərhədi keçərək Ağrı bölgəsindəki Tendürək dağında cəmləşiblər. Onları havadan pilotsuz kəşfiyyat təyyarələri qeydə alıb. Bu terrorçular TİKKO, MKP, TİKB, MLKB kimi radikal solçu qruplaşmaların uniformalarını daşıyır, onlar mövsümi işçilər adı altında Qara dəniz bölgəsinə keçməyə can atırlar.

PKK-nın Qara dəniz bölgəsində möhkəmlənməyə çalışmasının səbəbi budur ki, Türkiyə silahlı qüvvələri terror təşkilatının Amanos dağlarındakı qüvvələrini məhv edib. Nəticədə terrorçular Amanos dağlarında yenidən möhkəmlənə bilmədikləri üçün Qara dəniz sahilindəki dağlıq bölgələrə yerləşməyə çalışırlar.

Qəzet yazır ki, yaranmış vəziyyətlə bağlı Türkiyə ordusu Tunceli, Bingöl, Ağrı və Tokat bölgələrində geniş təhlükəsizlik tədbiri görüb, havadan pilotsuz təyyarələr müntəzəm olaraq bölgəni izləyir. Hərbi qüvvələr mümkün əməliyyat üçün hazırlıq vəziyyətindədir.

Xatırladaq ki, PKK-nın təkcə Ermənistanda yox, Azərbaycanın işğal altındakı Dağlıq Qarabağ bölgəsində da düşərgələrinin olduğu məlumdur. Bu barədə Türkiyə mənbələri dəfələrlə məlumatlar yayıb.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *