Ayətullahdan təhdid: ABŞ-ı rüsvay edərik

Artıq “vurdu-qaçdı” dönəmi bitib. ABŞ tərəfindən bizə qarşı zərbə gələrsə, hərbi müdaxilə olarsa, ABŞ-ı dünyanın hər yerindən qovar və rüsvay edərik.

Oxu.Az-ın xəbərinə görə, bunu İranın tanınmış din adamlarından olan Ayətullah Əhməd Hatəmi bu gün Tehran məscidlərindən birində çıxışı zamanı deyib.

“ABŞ İrana qarşı ən xırda zərər belə vurmağa çalışarsa, sadəcə, onu deyil, rəsmi Vaşinqtonun Yaxın Şərqdəki müttəfiqi İsraili də hədəf alarıq. ABŞ-la müzakirə masasına oturmayacağıq. ABŞ “biz nə deyiksə, İran onu etsin” iddiasındadır.

Bunun adı müzakirə deyil, diktatorluqdur və biz var gücümüzlə buna qarşı çıxacağıq”, - deyə o əlavə edib.