Çindən Türkiyəyə növbəti dəstək

Türkiyə Xarici İşlər naziri Mövlud Çavuşoğlu ilə çinli həmkarı Van İ arasında telefon danışığı baş tutub.

Axar.az xəbər verir ki, tərəflər Türkiyə-Çin əməkdaşlığını müzakirə edib.

Van İ ölkəsinin Türkiyənin milli təhlükəsizliyi, sabitliyi, iqtisadiyyatı və sosial inkişafını qorumaq üçün göstərdiyi səyləri dəstəklədiyini bildirib.

Çavuşoğlu isə Türkiyənin Çinlə strateji dialoqu gücləndirməyə hazır olduğunu deyib:

“Türkiyənin Çinlə qarşılıqlı mənafeyə söykənən əməkdaşlığını daha da dərinləşdirəcəyimizə ümid edirik”.