Rusiya qərb sərhədlərinə qoşun topladı

2016-cı ildən başlayaraq Rusiyanın qərbində 70-dən artıq hərbi hissə və birləşmə yaradılıb.

Virtualaz.org yerli KİV-ə istinadən bildirir ki, bunu Rusiyanın müdafiə naziri Sergey Şoyqu deyib.

“Qərbi strateji istiqamətdə yaranan vəziyyət bizdən ordunun döyüş heyətinin və əsas sistemlərinin durmadan təkmilləşdirilməsini tələb edir”, - deyə nazir bildirib.

Onun sözlərinə görə, məhz bu səbəbdən ordu birləşmələri 5 minə yaxın yeni və müasirləşmiş silah vahidi ilə təmin edilib.

Şoyqu əlavə edib ki, çoxsaylı yoxlamalar ordunun hazırlıq səviyyəsinin artdığını göstərir. Belarus hərbçiləri ilə əməkdaşlığa isə xüsusi diqqət yetirilir.