Məmurlara sosial şəbəkələrdəki şikayətlərə operativ reaksiya vermək tapşırıldı

Rusiya Prezidentinin Administrasiyası ölkə regionlarının hakimiyyət orqanlarına tapşırıq verib ki, vətəndaşların sosial şəbəkələrdə qeyd etdikləri şikayətlərə operativ reaksiya verilsin.

Virtualaz.org “Obşaya qazeta”ya istinadən xəbər verir ki, bunun üçün məmurlara bir sutka vaxt verilir.

Məmurların işinin asanlaşdırılması və bütün sosial şəbəkələrdə yazılan qeydlərin toplanması üçün dövlət tərəfindən xüsusi monitorinq sistemi yaradılıb.

Əhalinin şikayətlərinə operativ cavabların verilməsi işinin kurasiyası Prezident Administrasiyası rəhbərinin birinci müavini Sergey Kiriyenkoya həvalə olunub.