Rusiya “Qiyamət günü” silahını göstərdi – VİDEO

Rusiya Müdafiə Nazirliyi xaricdən çox böyük torpedanı xatırladan “Poseidon” sistemini təqdim edib.

Oxu.Az xəbər verir ki, bununla bağlı “RİA Novosti” agentliyi məlumat yayıb.

Videoçarx “Poseidon” nümunəsinin stabilizator təkərlərinin yoxlanılması ilə başlayır. Daha sonra animasiya vasitəsilə quru və dəniz hədəflərinə doğru atəş açılır.

Rusiya MN-dən bildirilib ki, 2017-ci ilin dekabrında bu silahın sınaq dövrü uğurla başa çatıb.

“Status-6” kimi tanınan “Poseidon” aparatının hazırlanması ilə bağlı ilk məlumatlar 2015-ci ilin noyabrında yayılıb. 2018-ci ilin martında Rusiya prezidenti Vladimir Putin rəsmən bu silahın varlığını təsdiq edib.

2018-ci ilin aprelində Böyük Britaniyada “Status-6” “Qiyamət günü” adlandırılıb.