Türkiyə Afrində uşaq xəstəxanası açıb

Türkiyə Suriyanın Afrin rayonunda uşaq xəstəxanası açıb.

Bu barədə Türkiyə Silahlı Qüvvələrinin Baş Qərargahı məlumat verib.

Qeyd olunur ki, xəstəxana Afrinin Candaris bölgəsində işə başlayıb. Bundan başqa, terrorçulardan azad edilmiş digər bölgələrdə də səyyar uşaq xəstəxanaları fəaliyyət göstərəcək.

Xatırladaq ki, bu ilin yanvar ayında Türkiyə Silahlı Qüvvələri Afrində “Zeytun budağı” əməliyyatına başlamışdı. Əməliyyat nəticəsində Afrin mart ayının ortalarında azad edilmişdi.