ABŞ 400 raketini Rusiyaya qarşı tuşlayıb

Amerika ordusu HHM sistemlərinin 400 raketini Rusiya istiqamətində tuşlayıblar.

Avropa.info xəbər verir ki, bu barədə TASS agentliyinə hərbi-diplomatik mənbədən bildiriblər.

“Bu günün özündə ABŞ vahid qlobal HHM sistemində birləşdirilmiş 400 raket var. 40-dan çox GBİ uzaq məsafəli raket əleyhinə raket şaxtası Alyaska və Kaliforniyada yerləşdirilib. Bundan əlavə ABŞ HDQ-nin gəmilərində quraşdırılmış Standart-3 HHM sisteminin 180-dən çox raketi Atlantik, Sakit okeanlarda, Yaponiya və İspaniyadakı hərbi-dəniz bazalarında yerləşdirilib. 24 raket Rumıniyaya göndərilib. Bura raket əleyhinə 6 THAAD batareyasının 150 raketini əlavə edin.

Trampın “Amerikan raket sistemi Rusiyaya qarşı yönəlməyib” sözləri sırf cığallıq kimi qəbul olunur. Çünki ABŞ-ın guya ki, müdafiə məqsədilə adı çəkdiyi ölkələrin heç biri yaxın gələcəkdə ABŞ HHM sistemini aşacaq strateji raket kompleksləri yarada bilməyəcək” – mənbə belə deyib.