“Prezident seçilsəm, Türkiyə, İran, İraq, Suriya, Livan və Azərbaycanı birləşdirib bir dövlət elan edəcəyik” – Perinçəkdən sərsəm açıqlama

Bu gülünc açıqlama ilə Türkiyənin “Vatan” partiyasının sədri Doğu Perinçək çıxış edib. Siyasi həyatı boyunca mütəmadi olaraq mövqeyini dəyişən bir siyasətçi kimi tanınan Perinçək, Suriya diktatoru Bəşər Əsədi də Ankaraya dəvət edəcəyini vəd edib.

“Bəşər Əsədə qatil deyən bir iqtidar vətən sevgisində başarılı ola bilməz. Biz seçilsək, Bəşər Əsədi Ankaraya dəvət edib, əlini sıxacayıq.

Bizi 6 nəfərlik bir heyət halında Suriyaya çağırdılar. Cənab Əsəd o vaxt Moskvada idi. Gələcəyimiz zaman son bir yemək yedik. Orada bizə Əsədin bir mesajını çatdırdılar. Bizə təklif etdilər ki, bir dövlət kimi birləşək. Bizim də “Vətən” partiyası olaraq Türkiyə, İran, Suriya, İraq, Livan, Azarbaycanla bir konfedarativ dövlət olma layihəmiz var” deyə Perinçək qeyd edib.

Xatırladaq ki, Perinçək Türkiyədə qeyri-sabir bir siyasətçi kimi tanınır. O, bir vaxtlar PKK terror təşkilatının lideri Abdullah Öcalanla görüşmüş və onu müdafiə etmişdi. Daha sonra, Perinçək millətçi olaraq ortaya çıxdı. Son olaraq isə Doğu Perinçək “Avrasiyaçılıq” siyasi xəttininin tərəfdarı kimi tanınmağa başladı. Perinçəkin rəhbərlik etdiyi “Vatan” partiyası heç bir seçkidə uğur qazanmayıb.