Avropa İttifaqı: Metsamor AES bağlanmalıdır

Avropa Xarici Əlaqələr Xidmətinin Şərq tərəfdaşlığı departamentinin sədr müavini Dirk Lorents Ermənistanda Metsamor Atom Elektrik Stansiyasının (AES) bağlanmalı olduğunu deyib. Bu barədə erməni KİV-ləri yazıb.

D.Lorents qeyd edib ki, AES-in keyfiyyətini standartlara uyğun yüksəltmək mümkün deyil: “Biz hesab edirik ki, AES-in işini beynəlxalq təhlükəsizlik tələblərinə tam uyğunlaşdıracaq qədər yaxşılaşdırmaq mümkün olmadığı üçün stansiyanı mümkün qədər tez bağlamaq lazımdır”.

Qeyd edək ki, bir müddət əvvəl Aropa İttifaqı Metsamor AES-in bağlanması üçün Ermənistana 200 milyon avro ayırmağı vəd etmişdi.