Ərdoğan: Şəhidimizin vəsiyyətini yerinə yetirəcəyik

Şəhidimiz Musa Özalkanın vəsiyyətini yerinə yetirəcəyik.

Oxu.Az xəbər verir ki, bunu “Zeytun budağı” əməliyyatında şəhid olan Musa Özalkanın tabutu başında danışan Türkiyə prezidenti Rəcəb Tayyib Ərdoğan deyib.

“Biz bu nöqtədə şəhid övladımızın, inşallah, bu vəsiyyətini Türk milləti olaraq özümüz yerinə yetirərik, həll edərik”, - deyə Ərdoğan bildirib.

Eyni zamanda, qeyd edək ki, MHP lideri Dövlət Baxçalının rəsmi sözçüsü Murat Çeliker özünün “Twitter” səhifəsində Afrin şəhidinin vasiyyətini - arzusunun reallaşdırılmasını MHP liderinin öz üzərinə götürdüyünü bildirmiş, “Şəhidimizin son arzusu yerinə yetiriləcək. Ruhu şad, məkanı cənnət olsun”, - deyə yazmışdı.