Ruhaninin inauqurasiya mərasimi bu gün keçiriləcək

Bu gün İran İslam Respublikası prezidenti Həsən Ruhaninin inauqurasiya mərasimi keçiriləcək.

Oxu.Az-ın məlumatına əsasən, Həsən Ruhani 2017-ci il mayın 19-da keçirilən İran İslam Respublikasının 12-ci prezident seçkilərində 23 milyondan çox səs toplayaraq, seçkilərdə qalib gəldi.

Həsən Ruhaninin inauqurasiya mərasimində 92 yüksək səviyyəli xarici və beynəlxalq heyət, eləcə də İranın ölkə və ordu rəsmiləri və şəxsiyyətlər iştirak edəcəklər.

İranın İslam Mədəniyyəti və İrşadı Nazirliyi də bildiribdir ki, dünyanın 29 ölkəsindən olan 131 xarici jurnalist İran İslam Respublikası prezidentinin inauqurasiya mərasimini işıqlandıracaq.