Çavuşoğlunun İsveçrəyə səfəri təxirə salınıb

Türkiyə XİN rəhbəri Mövlud Çavuşoğlunun İsveçrəyə planlaşdırılan səfəri qeyri-müəyyən vaxta qədər təxirə salınıb.

AzNews.info APA-ya istinadən xəbər verir ki, bu barədə “Avropada Türk Demokratların İttifaqı” məlumat yayıb.“XİN rəhbəri Mövlud Çavuşoğlunun İsveçrəyə səfəri yeni göstəriş olanadək təxirə salınıb”, - deyə “Avropada Türk Demokratların İttifaqı” İctimai Birliyin nümayəndəsi bildirib.

Qeyd edək ki, Çavuşoğlu ötən gün Rotterdamda Hollandiyada yaşayan Türkiyə vətəndaşları qarşısında çıxış edərək onları Türkiyə konstitusiyasına dəyişiklikləri dəstəkləməyə çağırmağı planlaşdırırdı.

Hollandiya hökuməti Türkiyənin xarici işlər naziri Mövlud Çavuşoğlunun təyyarəsinin ölkəyə enişinə icazəni ləğv edib. Hollandiya hökuməti qərarını “ictimai asayiş və təhlükəsizliyə təhdid”lə əlaqələndirib.

Türkiyə prezidenti cavab tədbirləri görəcəyini vəd edib.

İnsidentdən sonra Niderlandın Ankaradakı müvəqqəti işlər müvəkkili Türkiyə XİN-ə çağırılıb.