Putin Sarkisyanı Bakıdakı danışıqlar barədə məlumatlandıracaq

Rusiya prezidenti Vladimir Putin ermənistanlı həmkarı Serj Sarkisyanı Bakıda Dağlıq Qarabağ münaqişəsi ilə bağlı apardığı müzakirələr barədə məlumatlandıracaq.

Oxu.Az-ın RİA Novosti agentliyinə istinadən verdiyi məlumata görə, bunu Rusiya prezidenti Serj Sarkisyanla görüşünün əvvəlində deyib.

“Bakıda Azərbaycan prezidenti İlham Əliyevlə görüşümüz zamanı bu acı mövzunun üzərindən keçmədik. Təbii ki, böyük məmnuniyyətlə sizi Bakıda aparılan söhbət barədə məlumatlandıracağam”, - Rusiya prezidenti bildirib.