Ərdoğan Gülənin ekstradisiyası barədə danışdı

Türkiyə prezidenti Rəcəb Tayyib Ərdoğan bildirib ki, Türkiyə yaxın zamanda müxalif siyasətçi, nurçuların lideri Fətullah Gülənin ABŞ-dan ekstradisiyası üçün rəsmi müraciət ünvanlayacaq.

Oxu.Az-ın məlumatına görə, bu barədə Milliyet qəzeti yazır.

Ərdoğan həmçinin uğursuz hərbi çevrilişdən sonra həbs edilmiş şəxslərə ölüm hökmü verilməsi ehtimalını istisna etməyib.

Qeyd edək ki, bundan əvvəl Ağ Evin rəsmi nümayəndəsi Coş Ernest bildirmişdi ki, Ankara Gülənin ekstradisiyası üçün müraciət edərsə, Vaşinqton bu müraciətə ekstradisiya haqqında ikitərəfli müqaviləyə uyğun şəkildə baxacaq.