Kerri: Bu keçid dövründə başımızı itirməməliyik

"Avropalı liderlər Böyük Britaniyanın Avropa İttifaqından çıxması ilə bağlı aparılan danışıqlarda başlarını itirməməlidir".

AzNews.info APA-ya istinadən xəbər verir ki, bunu ABŞ dövlət katibi Con Kerri Brüsseldə Avropa İttifaqı və NATO-nun rəhbərliyi ilə görüşündə deyib.

"Bu keçid dövründə biz başımızı itirməməliyik və düşünülmüş addımlar atmalıyıq. Biz bizi əvvəldən birləşdirən dəyər və maraqların qorunmasına nail olmalıyıq", - deyə C. Kerri bildirib.

Qeyd edək ki, C. Kerri Brüsseldən Londona yola düşəcək və Böyük Britaniyanın istifasını elan etmiş baş naziri Devid Kemeron və xarici işlər naziri Filip Hammondla görüşəcək.