Çad "Boko Haram"-la mübarizə aparmaq üçün Nigerə 2000 əsgər göndərəcək

Eastnews.org-un verdiyi xəbərə görə, Çad "Boko Haram" terror təşkilatı ilə mübarizə aparmaq üçün qonşu Nigerə 2000 əsgər göndərəcək.

Birləşmiş Millətlər Təşkilatının Qaçqınlar üzrə Ali Komissarlığından verilən məlumatda (UNHCR) "Boko Haram"-ın hücumları ilə əlaqədar Bosso şəhərini 50 000 sakin tərk edib. İŞİD-ə beyət etmiş "Boko Haram" Bosso şəhərini işğal etdiklərini açıqlasa da, Niger hökuməti şəhərin ordunun əlində olduğunu bildirib.
"Boko Haram" terror təşkilatı 2009-cu ildən bəri Nigeriyada terror fəaliyyətləri ilə məşğuldur. Terrorçular mütəmadi olaraq qonşu ölkələrə də ciddi ziyan vururlar.