Kadırov Məhəmməd Əlinin xatirəsini əbədiləşdirəcək

Çeçenistanın paytaxtı Qroznı şəhərindəki küçələrdən birinə əfsanəvi boksçu Məhəmməd Əlinin adı veriləcək.

Oxu.Az xəbər verir ki, bu barədə Çeçenistanın rəhbəri Ramzan Kadırov öz Instagram səhifəsində məlumat verib.

“Bu gün mən Məhəmməd Əlinin xatirəsini əbədiləşdirmək qərarına gəldim. Mən onun adına boks zalı inşa etdirəcəm və Qroznadakı küçələrdən biri əfsanəvi idmançının adını daşıyacaq”, - kadırov yazıb.

Çeçenistan liderinin sözlərinə görə, Əli ilə birlikdə onun uşaqlıq arzusu da getdi.

“Mən həmişə arzulamışam ki, Məhəmməd Əli Çeçenistana gəlsin, və mən, boksu sevən oğlan, onun bərk əlini sıxım. Məhəmməd Əlinin sayəsində mən boksçu oldum və yüzlərlə gəncə bu idman növü ilə məşğul olmağa şərait yaratdım”, - o qeyd edib.