Nikah şahidi olacaq Ərdoğan müğənninin toyuna gələ bilmədi – VİDEO+FOTO

90-cı illərdə böyük populyarlıq qazanan türkiyəli müğənni Sinan Özen, Burcu Kartal adlı xanımla ailə həyatı qurub.

Oxu.Az xəbər verir ki, müğənni iki ildir birlikdə olduğu əczaçı xanımla Almaniyadakı konsertinlərindən birində tanış olub. Burcu Kartal ifaçının fanatı olub.



İstanbulda təşkil edilən toy mərasiminə sənət, siyasət, idman və biznes sahəsindən qonaqlar qatılıb.



Qonaqlar arasında Azərbaycan Respublikasının Əməkdar Artisti və Dağıstan Respublikasının Xalq Artisti Ədalət Şükürov da yer alıb. Sinan Özenlə Ədalət Şükürov artıq neçə illərdir ki, dostluq edirlər.



Toyda nikah şahidliyi etməli olan Türkiyə prezidenti Rəcəb Tayyib Ərdoğan ölkədə baş verən məlum səbəblərdən mərasimə gələ bilməyib. Lakin müğənniyə təbrik məktubu göndərərək, cütlüyə xoşbəxt ailə həyatı arzu edib.



Cütlük bal ayını İtaliyada keçirəcək.