Düşmənlə döyüşdə bir əsgərimiz şəhid oldu

Azərbaycan Hərbi Qüvvələrinin əsgəri, 1996-cı il təvəllüdlü Ərəbli Rahil Rafiq oğlu erməni işğalçılarının mövqelərimizə açdığı atəş nəticəsində şəhid olub.

O, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər şöbəsindən hərbi xidmətə çağırılmışdı.

Şəhid əsgər Şirvan şəhərindəki Şəhidlər xiyabanında torpağa tapşırılıb.

Azərbaycan Müdafiə Nazirliyi əsgər ölümü faktı ilə bağlı məlumat yaymayıb. Bu səbəbdən əsgərin nə vaxt və təmas xəttinin hansı istiqamətində həlak olduğu məlum deyil.

virtualaz.org saytının Müdafiə Nazirliyinin mətbuat xidməti ilə əlaqə saxlamaq cəhdləri baş tutmur.