Türk mediası İrəvanı qorxudan təlimdən yazdı – VİDEO+FOTO

Azərbaycan Müdafiə Nazirliyinin ordumuzun döyüş hazırlığı ilə bağlı yaydığı məlumatlar Türkiyə mediasının da diqqətini çəkib.

Axar.az xəbər verir ki, Türkiyənin "Taymtürk" xəbər portalı "Azərbaycandan Ermənistanı qorxudan təlim" adlı xəbər yayımlayıb.

Türk mediası Azərbaycan Müdafiə Nazirliyinin yaydığı məlumata əsaslanaraq qeyd edib ki, Azərbaycan ordusu genişmiqyaslı hərbi təlimə başlayıb. Təlimdə çoxsaylı zirehli texnika və hərbi personal iştirak edir.

Qeyd edək ki, bu gün Müdafiə Nazirliyi Müdafiə nazirinin tapşırığına əsasən qoşunların döyüş hazırlığı səviyyəsinin yüksəldilməsi məqsədilə hərbi birlik və birləşmələrdə keçirilən təlimlərə cəlb edilən müxtəlif növ hərbi texnikanın müəyyən edilmiş marşrutlar üzrə planlı şəkildə daşınmasının həyata keçirildiyi barədə məlumat yayıb.