Cəbhəyanı kəndlər minalardan təmizlənir – VİDEO

Cəbhəyanı kəndlər minadan təmzilənir.

ATV-nin Qarabağ bürosunun məlumatına görə, hazırda Ərazilərinin Minalardan Təmizlənməsi üzrə Milli Agentliyin xüsusi təlimatlı mobil çevik əməliyyat qrupları Füzuli, Ağdam, Goranboy və Tərtər rayonları ərazisində partlamamış silah-sursatların təmizlənməsi işlərini həyata keçirir. Təmizləmə əməliyyatları ərazinin 29 kəndində, Tərtər rayonunun Qarağacı, Qapanlı və digər ərazilərdə həyata keçirilir.

ANAMA-nın əməkdaşı Şahin Allahverdiyev bildirib ki, Tərtər rayonunun Qarağacı, Qapanlı və başqa kəndlərində bu cür təmizləmə həyata keçirilir: “Bu günə qədər 10-a yaxın partlamamış hərbi sursat tərəfimizdən götürülərək mərkəzi məhvetmə ərazisində zərərsizləşdirilib”.

Qeyd edək ki, cəbhə kəndlərində daha çox Tərtər rayonunun Qapanlı kəndi ermənilər tərəfindən atılan hərbi silah-sursatların çirklənməsinə məruz qalıb.