Rus ordusunun mayoru Ukraynada öldürüldü

Ukraynanın Luqansk vilayətinin Staxanov şəhərində Rusiya ordusunun mayoru öldürülüb.

Axar.az xəbər verir ki, bu barədə “Novosti Donbasa” separatçılara istinadən məlumat yayıb.

Məlumata görə, rus zabitinin cəsədi Koksoxima rayonunda odlu silahla ürəyindən vurulmuş vəziyyətdə aşkarlanıb. Onun üzərindən mayor A.A Andryuşkinə aid zabit vəsiqəsi çıxıb.

Qeyd olunub ki, zabit Rusiyadan Ukraynaya bir müddət əvvəl gəlib. Rusiyadakı hərbi hissəni tərk edən zabit geri qayıtmayıb.