İŞİD Cihadi Conun ölümünü təsdiqlədi

İŞİD Britaniya mənşəli terrorçu Cihadi Conun pilotsuz uçan aparatın zərbəsi ilə 2015-ci ilin noyabrında öldüyünü təsdiqləyib, Oxu.Az Lifenews-a istinadən xəbər verir.

İŞİD-in yaraqlısı, əsl adı Mohammed Emvazi girovları bıçaqla qətlə yetirdiyi çarxların yayılmasından sonra cəllad kimi məşhur idi. Daha öncə ABŞ-da zərbə zamanı terrorçunun öldürüldüyü əminliklə bildirilmişdi.

Noyabrda Cihadi Conun məhv edilməsinə cəhd haqqında informasiyanı jurnalistlərə adının açıqlanmasını istəməyən ABŞ məmuru bildirmişdi.

O, əməliyyatda pilotsuz uçan aparatdan istifadə edildiyini bildirmişdi. Aparat vasitəsilə terroristin yerləşdiyi ehtimal edilən, yaraqlıların dövlətinin paytaxtı hesab edilən Rakkanın yaxınlığındakı əraziyə zərbələr endirilib.