“Türkman qəsəbələri yer üzündən silinib”

Türkman qəsəbələrində evlər, məscidlər, körpülər yerlə-yeksan olub, 11 qəsəbə xəritədən silinib.

Axar.az xəbər verir ki, bu sözləri Suriya Türkləri Dərnəyinin katibi Əhməd Vəzir deyib.

“Rusiyanın Suriyada hərbi əməliyyatlara başlamasından sonra ən çox hücuma məruz qalan bölgə məhz Latakiyadır. İndi sadəcə hərbi mövqelər deyil, eyni zamanda, evlər və mülki vətəndaşlar da hədəf alınır. Türkman qəsəbələri dənizdən, havadan və qurudan bir tonluq raketlərlə bombalanır. Türkman dağına intensiv hücumlar hələ də davam edir”, - deyə Vəzir qeyd edib.