Moskvada atışma: Ölənlər var – VİDEO

Moskvanın mərkəzində kafedə atışma zamanı ən azı iki nəfər həlak olub, daha on nəfər müxtəlif dərəcəli bədən xəsarətləri alıb.

Oxu.Az Lenta.ru-ya istinadən xəbər verir ki, bu barədə Rusiya paytaxtının hüquq-mühafizə orqanlarından bildiriblər.

Qeyd olunur ki, atəş kafe və naməlum şəxslər arasında münaqişə zamanı açılıb.

Həlak olanlar özəl mühafizə xidmətinin formasında olublar, onların hansı idarədə çalışdıqları aydınlaşdırılır.

İlkin məlumata görə, atəş travmatik silahdan açılıb.

Hadisə ilə bağlı cinayət işi qaldırılıb, araşdırma aparılır.