Rusiyada türk şirkətinin ofisinə hücum – VİDEO+FOTO

Naməlum şəxslər Türkiyənin bayrağını qopardıblar və asfaltın üzərində Türkiyə prezidenti Rəcəb Tayyib Ərdoğanın ünvanına təhqirlər yazıblar.

Noyabrın 24-də Ulyanovskda Türkiyənin Anadolu Efes şirkətinə məxsus Efes Rus pivə şirkətinin ofisinə hücum olub.

Bu barədə Ulyanovsk-qorod xəbər nəşri məlumat yayıb.

Qeyd edilir ki, hücum edənlər Efes Rus pivə zavodunun ofisinə bir neçə avtomobildə gəliblər, daha sonra onlar Türkiyə bayrağını qopararaq binanın qapısını sındırmağa başlayıblar.

Hücum edənlər Türkiyə bayrağını qopartdıqdan sonra ona yumurtalar atıblar.

Onlar Türkiyə bayrağı əvəzinə zavod üzərində Rusiyanın HDQ (Hava desant qoşunları) bayraqlarını qaldırıblar. Hücum edənlər zavodun darvazası önündə asfaltda Türkiyə prezidenti Rəcəb Tayyib Ərdoğanın ünvanına təhqirlər yazıblar.