Putinin hərəkəti Çini qarışdırdı – FOTO

Pekindəki keçirilən Asiya Sakit Okean ölkələri iqtisadi Əməkdaşlıq (ATES) təşkilatının sammitində Rusiya prezidenti centelmenliyi ilə bütün diqqətləri üzərinə toplaya bilib.
Putinin Çin lideri Şi Cinpingin həyat yoldaşı Peng Liyuana qarşı etdiyi hərəkət ölkədə günün mövzusuna çevrilib.

Belə ki, sammitin açılışı mərasimi ilə ötən gün atəşfəşanlıq keçirilib. Olimpiya stadionunda keçirilən atəşfəşanlığı izləmək üçün liderlər həyat yoldaşları ilə onlar üçün ayrılmış yerlərdə oturublar. Rusiya liderinə isə Çinin birinci xanımının yanında yer ayrılıb.

Qonaqlar yerləşəndən sonra havanın soyuduğunu hiss edən Putin yanındakı qalın şalı birinci xanımın çiyninə salıb.
Liyuan Putinin centelmen davranışını rədd etməyərək şalı götürüb. Amma dərhal arxasında dayanan protokol işçilərinin uzatdığı pencəyi götürərək geyməyə üstünlük verib.

Çin mediyası Avropa etikasına görə normal sayılan, Çində isə qəbuledilməz olan bu səhnəyə senzura qoyub və görüntüləri yayımlamayıb.

"The Straits Times" qəzeti Rusiya liderinin bu addımını belə şərh edib: “Çinin dövlət rəsmilərinin qatıldığı rəsmi mərasimlərdə qadınlara yaxınlaşmaq və toxunmaq protokola görə qəbuledilməzdir. Putin bizim adətləri bilmədiyi üçün yazılmamış bu qanunu pozub".

Qeyd edək ki, Putin ötən iləd anoloji addım atmışdı. Sankt Peterburqda keçirilən G20 sammitinə qatılan Almaniya kansleri Angela Merkel açıq havada üşüdüyünü görə, Rusiya prezidenti onun çiyninə adyal salmışdı.