Həmsədrlər Sarqsyanla görüşdülər

Ermənistan prezidenti Serj Sarqsyan ATƏT-in Minsk qrupunun həmsədrləri - İqor Popov (Rusiya), Ceyms Uorlik (ABŞ), Pyer Andriye (Fransa) və qurumun fəaliyyətdə olan sədrinin şəxsi nümayəndəsi səfir Anjey Kasprşik ilə görüşüb.

Oxu.Az xəbər verir ki, bu barədə Ermənistan prezidentinin mətbuat xidməti məlumat yayıb.

Məlumata əsasən, görüşdə Dağlıq Qarabağ münaqişəsinin sülh yolu ilə nizamlanması üzrə danışıqlar prosesinin hazırkı mərhələsi və növbəti addımlarla bağlı məsələlər müzakirə edilib.