İŞİD xakerləri Azərbaycan bankının saytına hücum etdilər – FOTO

Terrorçu İŞİD qruplaşmasının tabeliyində olan xaker qrupları Azərbaycan banklarından birinin saytını dağıdıblar.

Oxu.Az xəbər verir ki, hücuma “Əmrahbank”ın amrahbank.az və amrahbank.com ünvanında yerləşən rəsmi veb-saytları məruz qalıb.

Hazırda sayta daxil olduqdan 1-2 saniyə sonra başqa səhifə açılır və burada terrorçu Üsamə bin Laden və 11 sentyabrda partladılmış qoşa qüllələrin şəkili, digər tərəfdə isə İŞİD-in bayrağı təqdim olunur.

Saytın İslamic cyber army adlanan xaker qrupu tərəfindən sındırıldığı bildirilir.

Öz növbəsində Əmrahbank-dan Oxu.Az-a bildiriblər ki, bank yaranmış vəziyyətdən xəbərdardır və hazırda problemin aradan qaldırılması üzərində iş aparılır.