PKK-dan növbəti terror, ölü və yaralılar var

Türkiyədə PKK silahlılarının polisə atdığı raket nəticəsində 1 polis şəhid olub, 2 polis yaralanıb.

ANS PRESS-in Türkiyə mətbuatına istnadən verdiyi məlumata görə, hadisə Diyarbəkir vilayətinin Sur rayonundakı Həsirli məhəlləsində baş verib.

PKK terrorçularının qazdığı xəndəkləri doldurmaq üçün türk polis qüvvələri ərazidə “Şəfəq” adlı əməliyyat təşkil ediblər. Xəndəklər doldurulan zaman PKK terrorçuları əraziyə raket atıb. Hadisə nəticəsində 1 türk polisi dünyasını dəyişib, biri ağır olmaqla iki türk polisi də yaralanıb.

Şəhid polis və yaralılar əraziyə cəlb edilən təcili yardım maşınları vasitəsi ilə xəstəxanalara çatdırılıb.

Xəstəxanaya çatdırılan polislərdən birinin də vəziyyəti ağır olduğu bildirilir.

Türk jandarması vətəndaşların əraziyə giriş və çıxışına qadağa qoyub. Hazırda əməliyyatlar davam etdirilir.