Nazirin etirafı başına bəla oldu

Fransanın mədəniyyət naziri etdyi etirafdan sonra əməlli-başlı tənqid olunub.

ANS PRESS-in məlumatına görə, Fransanın mədəniyyət naziri Fler Pellerin son 2 ildə heç bir bədii kitab oxumaması məlum olandan sonra tənqid obyektinə çevrilib.

Televiziyaya verdiyi müsahibələrinin birində nazir ona verilən “Müasir nobel mükafatçısı Patrik Modianonun hansı kitabı sizin ən sevimli kitabınızdır?”- sualına bu yazıçının heç bir kitabını oxumadığını bildirib.

Özünü təmizə çıxarmaq üçün Fler Pellerin bildirib ki, işi onun bütün gününü alır və kitab oxumağa onun heç bir gücü qalmır.