İlham Əliyev Bakıya qayıtdı – FOTO

Aprelin 24-də Azərbaycan prezidenti İlham Əliyevin Türkiyəyə işgüzar səfəri başa çatıb.

ANS PRESS-ın məlumatına görə, Çanaqqala şəhərinin hava limanında dövlətimizin başçısının şərəfinə fəxri qarovul dəstəsi düzülüb.

Azərbaycan prezidenti İlham Əliyev Çanaqqala Zəfərinin 100-cü il dönümü münasibətilə bağlı keçiriləcək mərasimlərdə iştirak etmək üçün Çanaqqalaya getmişdi.

Qeyd edək ki, Türkiyədə aprelin 24-də Çanaqqala zəfərinin 100-cü ildönümü qeyd olunub.

Mərasimə 17 prezident, 3 parlament rəhbəri, 3 prezident müşaviri, 5 baş nazir, 1 keçmiş prezident, 28 nazir, 6 beynəlxalq təşkilat rəhbəri olmaqla 90-a yaxın ölkədən rəsmilər qatılıb.

I Dünya müharibəsi illərində Çanaqqala savaşında ümumilikdə 500 mindən çox insan ölüb. Türklər bu müharibədə 57 min şəhid verib. Savaşda azərbaycanlı əsgərlər də iştirak ediblər.


[/center]