Mingəçevir İES-dəki qəzaya görə Sumqayıt-Bakı-Sumqayıt qatarları da dayandı

Mingəçevirdə əsas düyün yarımstansiyasında baş vermiş açılma səbəbindən, bölgələrdən Bakı sərnişin stansiyasına gələn sərnişin qatarların hərəkətində gecikmələr qeydə alınır.
“Azərbaycan Dəmir Yolları”dan yayılan rəsmi məlumata görə, sərnişinlərin nəzərinə çatdırırıq ki, ölkə ərazisində elektrik enerjisinin verilməsində yaranan problemlə bağlı bu gün günün birinci yarısında Bakı-Sumqayıt-Bakı marşrutunda işləyən elektrik qatarları hərəkətdə olmayacaq. “Azərbaycan Dəmir Yolları” QSC sərnişinlərdən yaranmış müvəqqəti narahatçılığa görə üzr istəyir.

Qeyd edək ki, Bakı-Sumqayıt yolunda bir neçə gün əvvəl başladılan təmir işləri ilə əlaqədar həmin yolda böyük tıxaclar yaranıb. Nəticədə Sumqayıt sakinləri Bakıya gedib-gəlmək üçün sürət qatarlarından istifadə edirdi.