Bu xəbərləri yaymaq qadağan olundu – SƏRƏNCAM

Prezident Qanuna dəyişiklik edib.

Azərbaycan prezidenti İlham Əiyev “Kütləvi informasiya vasitələri haqqında” qanunda dəyişikliklər edilməsi barədə” qanunun tətbiqi barədə sərəncam imzalayıb.

AzNews.info-nun APA-ya istinadən məlumatına görə, dəyişiklik kütləvi informasiya vasitəsi (KİV) redaksiyasının və ya jurnalistin yaymasına yol verilməyən məlumatlarla bağlıdır.

Dəyişikliyə əsasən bundan sonra KİV redaksiyasının və ya jurnalistin Cinayət-Prosessual Məcəlləsində nəzərdə tutulmuş qaydada tərtib edilən və “İnformasiya əldə etmək haqqında” qanuna uyğun olaraq sənədləşdirilmiş informasiya hesab edilən cinayət təqibi üzrə icraat materiallarının surətlərini olduğu kimi yaymasına da verilməyəcək.

Digər dəyişiklik yetkinlik yaşına çatmayanlarla əlaqədardır. İndiyə qədər KİV redaksiyasının və ya jurnalistin cinayət etməkdə təqsirləndirilən yetkinlik yaşına çatmayanların və ya qanuni nümayəndələrinin razılığı olmadan onların şəxsiyyəti barədə hər hansı məlumatı yaymasına yol verilməsi qadağan edilib.

Dəyişikliyə əsasən bundan sonra yetkinlik yaşına çatmayan şübhəli və ya zərər çəkmiş şəxslərin şəxsiyyəti barədə də hər hansı məlumatların həmin şəxslərin və onların qanuni nümayəndələrinin razılığı olmadan yaymasına yol verilməyəcək.