Avropa Oyunlarının açılış mərasiminə bilet qalmadı

Bakı 2015 Avropa Oyunlarının rəsmi Açılış Mərasiminə biletlər artıq satılıb.

Bu barədə Oxu.Az-a Bakı-2015 I Avropa Oyunlarının Əməliyyat Komitəsindən (BEGOC) bildiriblər.

BEGOC-un baş direktoru Simon Kleq oyunların Açılış Mərasiminin tamaşaçılarla dolu stadionda baş tutacağını elan edib.

“Mən, 78 faizi yerli işçilərdən təşkil olunmuş bütün BEGOC heyətinə, təkcə artıq biletləri satılmış Açılış Mərasiminə görə deyil, həmçinin idman yarışlarının da biletlərinin satılmasına görə öz təşəkkürümü bildirirəm”, - deyə, o, bildirib.

Onu da əlavə edək ki, Bakı 2015 rəsmi veb-saytı Azərbaycanın idman tarixinin ən böyük gecəsinə bilet əldə edə bilməyənlər üçün Mərasiminin hər anını və səhnəarxası görüntülərini qeydə alacaq.

Açılış Mərasimi Baku2015.com səhifəsində canlı yayımlanacaq və Bakı vaxtı ilə saat 12-dən başlayan canlı yayım saytda və sosial media platformasında yerləşdiriləcək.