Prezidentin köməkçisindən oliqarxların həbsi ilə bağlı – AÇIQLAMA

“Qarşıdakı müddətdə araşdırmalar, məhkəmə prosesləri göstərəcək ki, onlar öz bizneslərini Azərbaycanın mövcud qanunvericiliyi çərçivəsində aparıblar, yoxsa yox”.

AzVision.az xəbər verir ki, bunu jurnalistlərə açıqlamasında prezidentin köməkçisi Əli Həsənov son günlər bir neçə iş adamının maliyyə dələduzluğunda ittiham olunaraq tutulmasına münasibət bildirərkən deyib.

Ə.Həsənov vurğulayıb ki, həmin şəxslər konkret maddələrdə ittiham olunur, amma nəticələr araşdırmalardan sonra müəyyən olunacaq: “Azərbaycan prezidenti İlham Əliyev dünən bəyanat vermişdi ki, biz iş adamlarını dəstəkləyirik, dəstəkləməkdə də davam edəcəyik, amma bir tələbimiz var ki, Azərbaycanın qanunlarına əməl etsinlər”.