Paşinyan oğlunu Qarabağa siyasi girov kimi göndərib » AzNews.info -Xəbər portalı

Bölmə: Manşet, Siyasət

Paşinyan oğlunu Qarabağa siyasi girov kimi göndərib

Paşinyan oğlunu Qarabağa siyasi girov kimi göndərib


Nikol Paşinyan bütün siyasətini Azərbaycanın daxilində və xaricində gedən proseslər üzərində qurub. Bakının işğaldan azad edilməsi ilə bağlı keçirilən möhtəşəm hərbi paraddan bir neçə gün öncə Paşinyan öz ağlına uyğun olaraq müharibə ssenarisi qurur, bu ssenaridə Türkiyənin Azərbaycanın, Kollektiv Təhlükəsizlik Müqaviləsi Təşkilatı üzvlərinin isə Ermənistanın yanında olduğu bildirilir. Lakin Paşinyanın “təlim ssenarisi” Bakıda keçirilən hərbi paraddan və bu möhtəşəm tədbir çərçivəsində Azərbaycan və Türkiyə prezidentlərinin tarixi mesajlarından sonra alt-üst olur.

Bunu Oxu.Az-a açıqlamasında politoloq Elçin Mirzəbəyli deyib.

O qeyd edib ki, hətta Paşinyana yaxın olan media resurslarının “saçyoldusu” da 100 il öncə baş verən hadisələrin xatırladılması, dinc əhaliyə divan tutan silahlı erməni dəstələrinin məhv edilməsinin yada düşməsi fonunda effektiv nəticə vermir.

Onun sözlərinə görə, Azərbaycanın mülki əhalisinin atəşə tutulması, gərginliyin işğal altında olan ərazilərdəki təmas xəttindən sərhəd bölgəsinə keçirilməsi cəhdi Paşinyanın köməyinə gəlmir:

“Nikol bu dəfə vəziyyətdən çıxış yolunu Azərbaycan prezidentinin övladının hərbi xidmətə yola salınmasını hədəfə almaqda görür. Başqa seçimi də yoxdur. Çünki bir neçə ay öncə Nikolun oğlunu işğal altında olan Azərbaycan ərazilərində “xidmət etməyə” yola salmasının alt qatında olan məqamlar artıq üzə çıxıb və bəlli olub ki, Paşinyan oğlunu Dağlıq Qarabağa klanın təmsilçilərini sakitləşdirmək üçün siyasi girov kimi göndərib.

Görünür, Paşinyan vaxtilə ayrı-ayrı beynəlxalq təşkilatların maliyyə dəstəyilə həyata keçirdiyi layihələrdən qalma vərdişləri oğlunun hərbi xidmətə yola salınmasında da istifadə etməkdən, bu vətəndaşlıq vəzifəsini ucuz siyasi təbliğat elementinə, siyasi layihəyə çevirməkdən çəkinməyib.

Azərbaycan prezidentinin oğlu Heydər Əliyev Dövlət Təhlükəsizliyi Xidmətinin “N” saylı hərbi hissəsində xidmət keçəcək. Bunun xüsusi bir məna daşıdığını dərk etmək üçün, düşünürəm ki, çox da böyük intellekt sahibi olmaq lazım deyil.

Əslində, Ermənistan Milli Təhlükəsizlik Xidməti rəhbərinin telefon danışığının ictimailəşdirilməsindən sonra dövlət təhlükəsizliyinin nə qədər mühüm əhəmiyyət daşıdığını hətta Paşinyan da yaxşı anlamalı idi. Amma görünür, anlamır, ya da özünü şoumenliyə qoyub.

Paşinyan Ermənistanın rəhbəri olaraq Azərbaycanda baş verən istənilən hadisəni birbaşa, şəxsən özü ölkənin gündəminə daşıyır.

Paşinyan özünü Ermənistanın baş naziri kimi yox, Azərbaycan üzrə ekspert kimi aparır. Həm də bunu o qədər bayağı və bəsit formada edir ki, hətta ekspert kimi də bir işə yaramadığını ortaya qoyur”.

Millət vəkili Sahib Alıyev isə hesab edir ki, Ermənistanın baş naziri Nikol Paşinyanın Azərbaycan prezidentinin oğlunun hərbi xidmətə başlaması ilə bağlı verdiyi açıqlama onun nə qədər populist, məsuliyyətsiz və tutduğu posta uyğun gəlməyən biri olduğunu növbəti dəfə ortaya qoyur.

“İnanmıram ki, klassik bir deyimdə bildirildiyi kimi, inqilabın hakimiyyətləndirdiyi bu hay “tülüngü”sü Heydər İlham oğlu Əliyevin xüsusi təyinatlı hissədə xidmət keçməsinin nə anlam daşıdığını dərk etməsin. Çünki 2016-cı ilin aprel döyüşləri də göstərdi ki, o zaman düşməni səngərindəcə məhv edən bizim xüsusi təyinatlılar idi.

O xüsusi təyinatlılar ki, Nikol Paşinyanın oğlunun onun lovğalanıb dediyi kimi, ön xətdə deyil, cəbhədən 50 km uzaqlıqda “xidmət” keçdiyindən yaxşı xəbərdardırlar”, - deyə millət vəkili qeyd edib.

Mənbə: Oxu.Az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *