Maşın ustasından Ərdoğana çağırış: "Bizə dəstək ver, F-35 düzəldək, hətta daha yaxşısını..."

ABŞ-ın beşinci nəsil F-35 qırıcılarını Türkiyəyə satmaqdan imtina etdiyi bir vaxtda türkiyəli maşın ustası prezident Rəcəb Tayyib Ərdoğana çağırış edib.

Virtualaz.org Türkiyə KİV-lərinə istinadən xəbər verir ki, Antalya Köhnə Sənaye küçəsindən Rasim Küçük adlı avtomobil təmirçisi özünün sosial media hesabından Ərdoğana yazıb: "Sayın Cümhurbaşqanım, mənə dəstək verin, sizə F-35 təyyarələrinin eynisini usta arkadaşlarla sənayedə düzəldək. Yetər ki, əlimizdə bir nümunəsi olsun. Bəlkə təyyarə mühəndisi deyiləm,amma işin örnəyi əlimizin altında olduqdan sonra bir təyyarə mühəndisinin hazırladığının eynisini hazırlaya bilərik. Gəlin əsnafınıza, sənətkarınıza güvənin, bizə dəstək verin. Hətta daha mükəmməlini hazırlaya bilərik. Elin amerikalısı, israillisi, rusu hazırlaya bilir, biz yox? Bal kimi hazırlayarıq".

Rasim Küçükün bu paylaşımı sosial şəbəkələrdə qızğın müzakirələrə, istehzalı və ironik reaksiyalara səbəb olub.