“İranı 40 ildir 500 nəfərlik qrup idarə edir”

İranı 40 ildir rejimin təsdiqlədiyi sadəcə 400-500 nəfərlik bir qrup idarə edir.

AzNews.info Axar.az-a istinadən xəbər verir ki, bu sözləri iranlı iqtisadi ekspert Hüseyn Raqfer deyib.

“Yaşanan bütün problemlərə baxmayaraq, bu şəxslərin ləyaqəti heç vaxt mühakimə edilməz və xalqın da çox yaxşı tanıdığı bu insanlardan heç biri vəzifəsindən azad edilməz”, – ekspert bildirib.

Onun sözlərinə görə, korrupsiyada ittiham olunaraq vəzifəsindən azad edilən şəxslərin bir müddət sonra daha yüksək vəzifəyə təyin edilməsi xalqın rejimə olan inamını azaldıb.