Putin Rusiyanın əsas prioritetlərini açıqladı – YENİLƏNİB– VİDEO

"Rusiya beynəlxalq həyatın güclü, aktiv, nüfuzlu iştirakçısıdır".

Bunu Rusiya prezidenti Vladimir Putin inauqurasiya mərasimində deyib.

"Biz dialoqa açığıq. Tərəfdaşlarımızla birlikdə fəal şəkildə inteqrasiya layihələrini təşviq edəcək, işgüzar, humanitar, mədəni və elmi əlaqələri artıracağıq", - V.Putin bildirib.

Onun sözlərinə görə, Rusiya dünyada sülh və sabitliyin qorunmasında maraqlı tərəf olduğundan hamı ilə bərabərhüquqlu və qarşılıqlı faydalı əməkdaşlığın tərəfdarıdır.

"Bu gün həyatın yeni keyfiyyəti, rifah, təhlükəsizlik insan sağlamlığı ən əsas amillərdir. Siyasətimizin mərkəzində dayananlar məhz bunlardır", - o vurğulayıb.

Rusiya prezidenti diqqətə çatdırıb ki, dövlətin prioritet vəzifələri sırasına həmçinin təhsil, ana və uşaq sağlamlığının mühafizəsi də daxil olmalıdır.

* * *13:19

Vladimir Putinin dördüncü dəfə prezident kimi Rusiya Federasiyasının Konstitusiyasına əl basaraq and içib.

O, andiçmə mərasiminə “Kortej” (“Aurus”) adlı yerli istehsal olan avtomobillə gedib.

Vladimir Putin zaldakı qonaqlarla salamlaşıb.

Rusiya Konstitusiya Məhkəməsinin sədri Valeri Zorkin Vladimir Putinin prezident seçildiyini elan edib.

Andiçmədən sonra Rusiyanın Dövlət Himni səslənib.