Fərhad Əhmədov: "Hörmətli cənab Prezident, Siz və dahi Atanız..."

Azərbaycan əsilli rusiyalı milyarder Fərhad Əhmədov prezident İlham Əliyevi Azərbaycanda aprelin 11-də keçirilmiş prezident seçkilərində qazandığı qələbə münasibəti ilə təbrk edib. Təbrikdə deyilir:

Hörmətli İlham Heydər oğlu!

Bütün qəlbimlə Sizi seçkilərdə qazandığınız inamlı və haqlı qələbəniz münasibətilə təbrik edirəm. Azərbaycan xalqı yenidən indiki kursun davam etməsinin xeyrinə olan düzgün və yeganə mümkün seçim etdi. Bu kurs Azərbaycanın sabitlik və firəvanlıq adasına çevrilməsinə imkan verib. Və dünya iqtisadiyyatını bürüyən ağır böhranlara, regionda və dünyada hökm sürən qeyri-stabilliyə, düşmənlərin və bədhaxların gizli, yaxud açıq-aşkar cəhdlərinə baxmayaraq.



Mən gənc yaşlarımdan Rusiyada yaşamışam və işləmişəm, lakin Azərbaycan mənim vətənimdir, orada mənim atam və anam dəfn olunublar. Mən orada tez-tez oluram, uşaqlarımı və nəvələrimi bu vətəni sevməyi öyrədirəm.

İlk dəfə vətənə 13 il bundan qabaq, uzun illər çəkən fasilədən sonra Rusiya senatoru və seçkiləri izləyən beynəlxalq müşahidəçi kimi qayıtmışam. Və bizim məhz o vaxtkı ilk görüşümüzdən mənə aydın oldu ki, Siz Azərbaycanı çökmüş vəziyyətdən qaldıran və ona müstəqil inkişaf yolunu göstərən dahi Atanızın işinin əsl davamçısı olacaqsınız.