Bakıda güclü partlayış baş verdi – VİDEO (YENİLƏNİB)

Bu gün saat 19:17 dəqiqədə Fövqəladə Hallar Nazirliyinin “112” qaynar telefon xəttinə Bakı şəhərində Müdаfiə Sənаyеsi Nаzirliyinə aid müəsisissələrdən birinin ərazisində partlayışla nəticələnən yanğın hadisəsinin baş verməsi barədə məlumat daxil olub.

Nazirlikdən Oxu.Az-a verilən məlumata görə, hadisə ümumi sahəsi, təqribən 250 m2 olan pirotexniki məhsulların saxlandığı anbarda baş verib.

Dövlət Yanğından Mühafizə Xidmətinin ilk yanğın bölmələri hadisə yerinə saat 19:20-də çatıb.

Yanğın saat 20:08 dəqiqədə söndürülüb.

nəticəsində xəsarət alanlar barədə məlumat daxil olmayıb.

Ətraf ərazilərə təhlükə yoxdur.

Əlavə məlumat veriləcək.​

19:35

Bakıda Müdafiə Sənayesi Nazirliyinin tabeliyində olan “Radiozavod”da partlayış baş verib.

Oxu.Az xəbər verir ki, bu barədə sosial şəbəkə istifadəçiləri məlumat yayıb.

Radioquraşdırma zavodu ərazisində baş vermiş partlayışdan sonra yanğın başlayıb.

Hazırda həmin əraziyə onlarla yanğınsöndürənlər cəlb olunub.

Partlayış baş verən ərazinin yaxınlığında yanacaq doldurma məntəqəsinin də olduğu bildirilsə də, orada hər hansı yanğın hadisəsinin baş vermədiyi bildirilir.

Hadisə yerində olan müxbirimizin verdiyi məlumata görə, ərazi tam polis və FHN əməkdaşlarının nəzarətinə götürülüb.

Əraziyə əlavə yanğın söndürmə və təcili tibbi briqadaları çağırılıb.

Hadisə nəticəsində ölən və yaralananların olması və dağıntı barədə ilkin məlumat yoxdur.

Hazırda ərazidə qatı tüstü müşahidə olunur.

Xəbər yenilənir.