Tanklar, zenit raketləri və helikopterlər: ordumuz nə ilə silahlanır – FOTO (HESABAT)

Dünya silah ticarətinin təhlili mərkəzi (ЦАМТО) 2014-cü ilin statistikasını açıqlayıb.

Oxu.Az təşkilatın hesabatına istinadən xəbər verir ki, hesabatda təqdim olunan bütün statistik hesabalamalar qurum tərəfindən müstəqil hazırlanıb.

Hesabatda həmçinin 2014-cü ildə Azərbaycana silah tədarükləri də göstərilib.
Təşkilatın məlumatına əsasən, ötən il Azərbaycana 6 ədəd Buk zenit-raket kompleksi (ZRK) tədarük edilib. Buk-MB modifikasiyalı ZRK hələ 2010-cu ildə Belarusda sifariş edilmişdi.
Həmçinin təşkilatın hesabatına əsasən, 2015-ci ildə Azərbaycana daha 6 ədəd Buk-MB gətiriləcək.
Bundan başqa, 2014-cü ildə Azərbaycana Belarusdan 9 ədəd S-125 ZRK gətirilib. S-125-TM Peçora-2T modifikasiyalı həmin ZRK da 2011-ci ildə Belarusdan sifariş edilmişdi.
Ötən il ölkəmiz Belarusdan 2011-ci ildə sifariş edilmiş 6 ədəd T38 Stilet adlı ZRK alıb.
Daha 12 Stilet hələ 2013-cü ildə sifariş edilib və 2015-2016-cı illərdə Azərbaycana gətiriləcək.
Bundan başqa, Azərbaycanın İsraildən 2012-ci ildə sifariş etdiyi 16 ədəd Heron-1 markalı pilotsuz uçan aparatın (PUA) 4-ü 2014-cü ildə ölkəmizə gətirilib (bu növ PUA-nın daha 4 ədədi 2013-cü ildə tədarük edilib).
Yerdə qalan 8 ədəd Heron-1 PUA-ları 2015 və 2016-cı illərdə ölkəmizə gətiriləcək (hər il 4 ədəd olmaqla).
2015-ci ildə İsraildən Azərbaycana 9 ədəd Barak-8 ZRK və onlar üçün 75 ədəd idarəolunan zenit raketləri (İZR) gətiriləcək.
2015-ci ildə Azərbaycana İsraildən 2012-ci ildə 2 ədəd sayında sifariş edilmiş Green Pine radiolokasiya stansiyası çatdırılacaq. İkinci Green Pine 2016-cı ildə ölkəmiz gətiriləcək.
2014-cü ildə Azərbaycan İsraildən 2 ədəd Saar 4.5 raket kateri sifariş edib.
Təşkilatın məlumatına görə, Rusiyadan Azərbaycana 2011-ci ildə 94 ədəd sifariş edilmiş T-90S tankının 84-ü 2014-cü ildə ölkəyə gətirilib (daha 10 tank hələ 2013-cü ildə tədarük edilmişdi və Azərbaycan Respublikası Silahlı Qüvvələri Gününə həsr olunmuş paradda nümayiş olunmuşdu).
Təşkilatın hesabatında qeyd olunur ki, ötən il 2011-ci ildə Rusiyadan 91 ədəd sifariş edilmiş BMP-3 (piyadaların döyüş maşını) texnikasının 81-i ölkəmizə gətirilib (daha 10 BMP-3 2013-cü ildə tədarük edilmişdi.
Ötən il Rusiyadan 18 ədəd sifariş edilmiş TOS-1A Solntsepyok ağır odsaçan sistemlərin 6-sı Azərbaycana gətirilib.
Daha 6 Solntsepyok 2015-ci ildə ölkəmizə gətiriləcək.
2014-cü ildə Rusiyadan həmçinin 10 ədəd Xrizantema-S tank əleyhinə raket kompleksi sifariş edilib və onlar bu il ölkəmizə gətiriləcək.
2014-cü ildə Rusiyadan sifariş edilmiş 40 ədəd Mi-17V-1 helikopterinin son 8 ədədi Azərbaycana gətirilib.
Bundan başqa, təşkilatın məlumatıan görə, 2011-ci ildə Rusiyadan sifariş edilmiş 8 ədəd Tor-2ME ZRK-nın 4-ü 2014-cü ildə Azərbaycana gətirilib (daha 4 ZRK 2013-cü ildə tədarük edilib).
2014-cü ildə Azərbaycana Rusiyadan 30 ədəd gəmi əleyhinə X-35E Uran raketləri gətirilib. Həmin raketlər 2010-cu ildə 60 ədəd sifariş edilmişdi (daha 30 raket 2013-cü ildə ölkəmizə gətirilib).
Təşkilatın hesabatına göstərilir ki, 2014-cü il ərzində Türkiyədən Azərbaycana 18 ədəd 155 mm-lik özüyeriyən artilleriya qurğusu K-9 Thunder (Cənubi Koreyanın hazırladığı bu sistem Türkiyədə də buraxılır və Fırtına adlanır).