Qazaxıstan latın əlifbasına keçir

Qazaxıstan prezidenti Nursultan Nazarbayev hökumətə ilin sonunadək qazax əlifbasının latın qrafikasına keçidini hazırlamağı tapşırıb.

2018-ci ildə yeni qazax əlifbasının vahid standartının hazırlanması planlaşdırılır.

Qazaxıstan prezidenti bildirib ki, əlifbanın latın qrafikasına tam keçidi 2025-ci ilədək başa çatacaq.

Bundan başqa, gələn ildən etibarən latın qrafikasının tədrisi üzrə mütəxəssislərin hazırlanması və orta məktəblər üçün dərsliklərin yazılması nəzərdə tutulur.