Putin səfir Karlovun silahlı mühafizəsinin olmamasının səbəbini izah etdi

Xüsusi xidmət orqanlarının silahlı əməkdaşları xaricdə rusiyalı diplomatların təhlükəsizliyini yalnız diplomatik nümayəndəliyin ərazisində təmin edə bilirlər.

Oxu.Az xəbər verir ki, bu barədə dekabrın 21-də RF prezidenti Vladimir Putin bəyan edib.

“Ümumi qaydalara əsasən, səfirliyin silahlı mühafizəsi silahla yalnız diplomatik nümayəndəliyin ərazisində işləyə bilər. Səfirlikdən kənara silahla çıxmaq qadağandır. Problemdə elə bundadır”, - dövlət başçısı Federal Məclisdə görüş zamanı deyib.

O qeyd edib ki, belə qayda yalnız Türkiyədə deyil, dünyanın əksər ölkələrində var.

Bununla belə, Putin hesab edir ki, bir sıra ölkələrdə vəziyyəti nəzərə alaraq “razılaşmaq olar”.