Çavuşoğlu Bakıya gəlir

Türkiyənin xarici işlər naziri Mövlud Çavuşoğlu bu gün Azərbaycana səfərə gələcək.

AzNews.info-nun verdiyi xəbərə görə, bu barədə "Report"a Türkiyənin Azərbaycandakı səfiri İsmayil Alper Coşqun məlumat verib.

Onun sözlərinə görə, cümə günü türkiyəli nazir Azərbaycanın xarici işlər naziri Elmar Məmmədyarov və digər rəsmi şəxslərlə görüşəcək.

Görüşlərdə dünya və regional məsələlər müzakirə olunacaq.